`

ސައިބަރ އެކްސްޕޯ  ހުޅުވުމުގެ  ރަސްމިއްޔާތުގައި  މިނިސްޓަރ އޮފް ހޯމްލޭންޑް ސެކިއުރިޓީ ޓެކްނޯލޮޖީ ޢަލީ އިޙްސާން ދެއްކެވި ވާހަކަފުޅު

(12 ނޮވެމްބަރ 2024)

ﷲ ސުބުޙާނަހޫ ވަތަޢާލާއަށް ޙަމްދާ ޝުކުރު ކުރަން. އަޅުގަނޑުމެންގެ މާތް ނަބިއްޔާ މުޙައްމަދު ﷺ އަށް  ޞަލަވާތާއި ސަލާމް ލެއްވުމަށް އެދި ދުޢާކުރަން. މިޞަލަވާތާއި ސަލާމުގައި އެކަލޭގެ ފާނުގެ އާލު އަޞްޙާބުން ޝާމިލުކުރަން.

ކޮމިޝަނަރ އޮފް ޕޮލިސް ، ކޮމިޝަނަރ އޮފް ޕްރިޒްންސް ، ކޮމިޝަނަރ ޖެނެރަލް އޮފް ކަސްޓަމްސް، ސްޓޭޓް މިނިސްޓަރ ފޮރ ހޯމްލޭންޑް އެންޑް ސެކިއުރިޓީ، ޑެޕިއުޓީ ކޮމިޝަނަރ އޮފް ޕޮލިސް، ފުލުހުންގެ އިސްވެރިން، ޑެޕިއުޓީ ކޮންޓްރޯލަރ އޮފް އިމިގްރޭޝަން، ޙާޟިރުވެވަޑައިގެން ތިއްބެވި އެންމެހާ ބޭފުޅުން.

السلام عليكم ورحمة الله وبركاته.

އާދެ! އަޅުގަނޑުމެން މިފަދަ އިޙްތިފާލެއް އިޙްތިފާލުވެގެން އަންނައިރުގައި، މިދާއިރާގައި މިރާއްޖޭގައި މިވަގުތު ޒިންމާވާ ހުރިހާ ފަރާތްތަކުން މިހަފްލާގައި ބައިވެރިވެ ވަޑައިގަންނަވާކަމީ މިހަފްލާއަށް ލިބޭ ވަރަށް ބޮޑު ޝަރަފެއް. ހަމައެއާއެކު މިދާއިރާއަށް އަޅުގަނޑުމެން އެންމެން އިސްކަންދޭ މިންވަރުކަން އަޅުގަނޑު ޔަގީން ކުރަން. ދިވެހިރާއްޖޭގެ ޒަޢާމަތާ އަދުގެ ރައީސުލްޖުމްހޫރިއްޔާ ޑޮކްޓަރ މުޙައްމދު މުޢިޒް ހަވާލުވެވަޑައިގަތުމާ ހިސާބުން ފެށިގެން، އެވަގުތު ރާއްޖޭގެ ސައިބަރ ސްޕޭސްގެ ހާލަތު އޮތްގޮތް ވަޒަންކުރެވި ރާއްޖޭގެ ގައުމީ ސަލާމަތާބެހޭ ކޮމިޓީން އެންމެ ފުރަތަމަ ނެންގެވި އެއްޑިސިޝަން ނުވަތަ ނިންމެވި އެއްނިންމެވުމަކީ ދިވެހިރާއްޖޭގައި މިކަމަށް ޚާއްޞަކޮށް އިދާރާއެއް ގާއިމުކުރުން. އެހިސާބުން ރައީސުލްޖުމްހޫރިއްޔާ ނޭޝަނަލް ސައިބަރ ސެކިއުރިޓީ އެޖެންސީ އުފެއްދެވީ. އެއިރުގަވެސް ރާއްޖޭގެ ސަލާމަތީ ޚިދުމަތްތަކުން ދިވެހިރާއްޖޭގެ ސައިބަރ ސްޕޭސް ސެކިއުއަރ ކުރުމަށްޓަކައި އެއިދާރާތަކުގެ ލަޔާގަތާ ގާބިލުކަން ހުރި މިންވަރުން އެމަސައްކަތް ދަނީ ކުރަމުން.

އަޅުގަނޑު ހަނދާންވޭ 2009 ވަނަ އަހަރު އެމެރިކާގެ މިލިޓަރީ އެކަޑަމީގެ އަޅުގަނޑު ބައިވެރިވި އެކްސަސައިޒެއް. އޭރުގަ ކެޕްޗަރ ދަ ފްލެގް އެކްސަސައިޒެއްގަ އެންއެސްއޭ ރެޑް ޓީމަކާ ޔޫއެސް މިލިޓަރީ އެކަޑަމީގެ ބުލޫޓީމަކާ ބައިވެރިވި އެކްސަސައިޒެއްގަ ، ބުލޫޓީމުގަ އަޅުގަނޑުވެސް ބައިވެރިވީ. އޭރުގަ ކޮންޕެޓް ސައިންސް ސްޓޫޑެންޓެއްގެ ހައިސިއްޔަތުން އަދި އައިޓީ މޭޖަރ އެއްގެ ހައިސިއްޔަތުން، މިދަންނަވަނީ 2009 ވަނަ އަހަރުގަ. 2009 ވަނަ އަހަރުގަ އެތަނުގަ މީހުން  އެގައުމުގެ މީހުން ސައިބަރ ސެކިއުރިޓީއަށް އަހައްމިއްޔަތުކަން ދޭމިންވަރު އޭރު އަޅުގަނޑަށް ވަޒަން ކުރެވިގެންދިޔަ. މީ އޭގެ ގާތްގަނޑަކަށް 16 އަހަރު ފަސް. އަޅުގަނޑުމެން މިބަލަނީ. 16 އަހަރަށް ބަލާއިރު ރައްޖޭގައި ފުރަތަމަ ސީޓީއެފް އެކްސަސައިޒެއް ޕްލޭން ކުރެވިގެން މިސްކޭލްގަ އެންމެ ފުރަތަމަ ޕްލޭން ކުރެވިގެން ، މޯލްޑިވްސް ޕޮލިސް ސަރވިސް އިން އިސްނަންގަވައިގެން ކަމާގުޅޭ ސަރުކާރުގެ އެހެނިހެން އިދާރާތަކާއެކު މަސައްކަތްތަކެއް ފަށައިގެން ކުރިއަށް ގެންދާކަމީ އަޅުގަނޑުމެންގެވެސް މިދާއިރާގަ އިސްކޮށް ޒިންމާވާ އިސްވެރިން މިކަންކަމާ ދޭތެރޭގައި ވިސްނުންފުޅު ބަހައްޓަވާ ލެވެލް ހާމަވެގެންދާކަމެއް.

އަޅުގަނޑުމެން ވަޒަން ކުރަން އެބަޖެހޭ މިހާރުގެ ރާއްޖޭގެ ސައިބަރ ސްޕޭސްގެ ހާލަތު އޮތްގޮތް. އަޅުގަނޑުމެން ސަރުކާރާ ހަވާލުވެގެން އައިއިރުގަ ސަރުކާރުގެ އެކިއެކި އިދާރާތަކަށް ސައިބަރ ތްރެޓްސް އައިމިންވަރު، އަމިއްލަ ވިޔަފާރިތަކަށް ދޭތެރެ ދޭތެރެއިން ރެންސަމްވެއަރ އެޓޭކްސް އަންނަ ވަރު . ޕާސަނަލް ސޭފްޓީ ސެކިއުރިޓީ ސައިބަރ ސްޕޭސްގަ ބްރީޗް ވެގެން އަންނަވަރު. ބައެއް ދުނިޔޭގެ މިހާރުގެ ރިއަލްޓައިމް ސްޓެޓިސްޓިކަށް ބަލާއިރުގަ މިދިއައަހަރާ އަޅާބަލާއިރުގަ %31 ސައިބަރ އެޓޭކްސް އިންކްރީޒް ވެފަ މިވަނީ 2024 ވަނައަހަރު. 2024 އަހަރު ބަލާއިރުގަ 5.4 ބިލިއަން ޑިޖިޓަލް ރެކޯޑްސް ވަނީ ސައިބަރ ކްރައިމްގެ ތެރެއިން ބްރީޗް ކޮށްފަ. ހަމައެއާ އެކުގަ ރެންސަމްވެއަރ އެޓޭކްސްގެ %150 ވަނީ އިތުރުވެފަ. 2025 އަށް ލަފާ ކުރާގޮތުން ކަމަށް ވެއްޖެއްޔާމުން މީގެ ކޮންމެ ރެންސަމްވެއަރ އެޓޭކެއްގެ އެވްރެޖް ވެލިއު އަކި ދެލައްކަ ޑޮލަރު. ކޮންމެ ރެންސަމް އަކީ ދެލައްކަ ޑޮލަރު. %150 ގެ އިންކްރީޒެއް އެނުވަލް ރޭޓެއްގަ އިންކރީޒް ވަމުން އަންނަ ދެލައްކަ ޑޮލަރުގެ ޕަރ ޓްރާންސެކްޝަން  ވެލިއުހުންނަ ކްރައިމެއްގެ ވާހަކަ މިދެކެވެނީ. ޓޯޓަލް ސްޕޭސްއެއްގެ ހިނގަމުންދާ ހުރިހާ ކްރައިމެއްގެ ޑޮލަރ ވެލިއުއަކަށް ބަލާ ކަމަށް ވެއްޖެއްޔާމުން ޓޯޓަލް ބިޒްނަސް ލޮސް ، އެއީ ގަވަރމެންޓް އިންސްޓިޓިއުޝަންސް ތަކާ އަދި ވިޔަފާރި ކުންފުނިތަކާ އެއްކޮށްގެން ޓޯޓަލް ބިޒްނަސް ސޯސްއަކީ ގާތްގަނޑަކަށް 10.5 ޓްރިލިއަން ޔޫއެސް ޑޮލަރު.

އެހެންވީމަ އަޅުގަނޑުމެންވެސް އިމިއުނެއްނޫން މި ދެންނެވި ސްޓެޓިސްޓިކުން ބޭރުގަ ތިބެން. އަޅުގަނޑުމެން ރާއްޖޭގަވެސް ކުއްޖަކު ވިހާ ހިސާބުން ފެށިގެން އެކުއްޖާގެ ރެކޯޑުން ފެށިގެން އައިސްއަ ދައުލަތުގެ ހިންގުމުގެ އެންމެ ޓެކްނިކަލް ލެވެލްއާ ހިސާބަށް ހުރިހާ ކަމެއް މިހާރު މިހިނގަނީ ސައިބަރ ސްޕޭސް ތެރޭގައި. އަޅުގަނޑުމެންގެ އެންވަޔަރަންމަންޓް ސެކިއުރ ކުރުމަކީ އިންޑިވިޖުއަލީ އެއިދާރާއެއް،  ނުވަތަ އެވިޔަފާރި ކުންފުންޏެއް  ނުވަތަ އެ ވުޒާރައެއްގެ ޒިންމާގެ ތެރޭގައި އޮންނަކަމަކަށް އެކަންޏެއް ކަމަށްނުވޭ. އޭގެ އިތުރުން ނޭޝަނަލް ލެވެލްގަ އަޅުގަނޑުމެންގެ މުޅި ސައިބަރ ސްޕޭސް މެނޭޖްކުރުން އަދި ސައިބަރ ސްޕޭސް އަށް އަންނަ ތްރެޓްތައް ނެގޯޝިއޭޓްކޮށް އެއަށް އަޅުގަނޑުމެންގެ ޑިފެންސް ގާއިމުކޮށް އެތުރެޓްސްތައް ނިއުޓްރަލައިޒް ކުރުމުގެ ގާބިލުކަން ނޭޝަނަލް ލެވެލްގައި ގާއިމުކުރުންޖެހޭ. އެމަސައްކަތް މިހާރު އަޅުގަނޑުމެންގެ މި ގުޅިފައިވާ އެޖެންސީ ތަކުން ކުރަމުން މިގެންދަނީ. މިއަދު އަޅުގަނޑުމެން ލޯންޗް މިކުރާ ސައިބަރ އެކްސްޕޯ ފެށިގެން އަންނަ އިރުގަ އަލުގަނޑުމެން އުއްމީދު މިކުރަނީ މި އިންޑަސްޓްރީގަ ހިމެނޭ އެކަޑީމިއާގެ ބެފުޅުންނާ ވިޔަފާރީގެ ގޮތުން ޕްރައިވެޓް ސެކްޓަރގަ އުޅުއްވާ ބޭފުޅުންނާ  އަދި މިސްކޯޕް ތެރޭގައި ހިމެނޭ އެންމެހާ ސަރުކާރުގެ އެޖެންސީތަކާ ސައިބަރ ސްޕޭސް އޮޕްޓިމައިޒްކޮށް ބޭނުންކުރަމުން އަންނަ ސަރުކާރުގެ ހުރިހާ އިދާރާތަކުން މިއެކްސަސައިޒުގަ ފުރިހަމައަށް ބައިވެރިވެ މިއެކްސްޕޯގަ އެންމެ ފުރިހަމައަށް ބައިވެރިވުން ދެއްވާ މިކަމުން އަޅުގަނޑުމެންނަށް ލިބޭނެ އެންމެ ފުރިހަމަ ބެނެފިޓް ލިބިގަންނާނެކަމަށް. މިފަދަ އިވެންޓެއް އޮގަނައިޒްވެގެން އަންނައިރުގަ އާއްމުކޮށް ނުލިބޭ ވަރަށް މުހިންމު ފުރުޞަތުތަކެއް ލިބިގެން އެބައާދޭ. އޭގެ ތެރޭގައި އަޅުގަނޑުމެންނަށް ކުރިން އެކްސް ޕީރިއަންސް ނުކުރެވޭފަދަ ބައެއް ޓެކްނޮލަޖިކަލް އެޑްވާންސްމަންޓްސް އަށް އަޅުގަނޑުމެންގެ ލޯ ހުޅުވި ބައެއްކަހަލަ ހިއުމަން ޓެލެންޓް އަޅުގަނޑުމެންނަށް ފެނި އަޅުގަނޑުމެން ކުރިން ދިމާނުވާ މީހުންނާ ބައްދަލުވެ ނެޓްވޯކްކުރެވި މިފަދަ ފުރުޞަތުތަކެއް މިއެކްސްޕޯގެ ތެރެއިން ލިބިގެން އަންނާނެ. ހަމައެއާއެކު އަޅުގަނޑުމެން މުއައްސަސާތަކާ އެޖެންސީތަކާ ވިޔަފާރި ކުންފުނިތަކުގަ ހުރި ސައިބަރ ލޫޕްހޯލްސްތައް އައިޑެންޓިފައި ކުރެވި ސެކިއުރިޓީ އެކްސްޕާޓުންގެ ލަފަޔާ އިރުޝާދާއެކު  އެލޫޕްހޯސްލްތައް ކުލޯސްކުރެވިދާނެ ފުރުސަތުތަކެއް މީގެ ބައިވެރިންނަށް ލިބިގެންދާނެ. ސީޓީއެފް އެކްސައިޒުގައި ބައިވެރިވާ ކުދިންނަށް އެކުދިންގެ ޓެކްނިކަލް އެކްސްޕަޓީސް ޕްރެކްޓިސްކޮށް ދެންވެސް ތިބި އެހެން ބޭފުޅުންނާ ޗެލެންޖްކޮށް ވާދަވެރި މާހައުލެއްގައި މިކަންކަން އެކްސްޕީރިއަންސް ކޮށްލުމުގެ ފުރުޞަތު ލިބިގެންދާނެ.

އެހެންވީމަ އަޅުގަނޑު މުޅި އިންޑަސްޓްރީގެ އެންމެހާ ބޭފުޅުން ހުރި ސްޓޭކްހޯލްޑަރސްގެ ފަރާތުން މިއެދެނީ ތިބޭފުޅުންގެ މެކްސިމަމް އިންޕުޓް މިއެކްޕޯއަށް ދެއްވާށޭ. އަދި އާއްމު ރައްޔިތުންވެސް ވަޑައިގެން އަޅުގަޑުމެން އެންމެނަކީ ޚާއްޞަކޮށް ދިވެހިރާއްޖެއަކީ އިންޓަރނޭޝަނަލް ޕެނިޓްރޭޝަން ރޭޓް އެންމެ ހައި އެއްގައުމު މިސަރަހައްދުގައޮތް. އެހެންވުމާ ގުޅިގެން އަޅުގަނޑުމެން އެންމެންވެސް މިތިބެނީ އަބަދުވެސް އެކްސްޕޯސްވެފަ. އަލުގަނޑުމެންގެ އަމިއްލަ ޕާސަނަލް ޑިވައިސް އިން ފެށިގެންގޮސް ގެންގުޅޭ ކުންފުނިތަކާ އަދި އިދާރާތަކުގަ ހުންނަ މެއިން ފްރޭމާ ހިސާބަށް ހުރިހާ އެއްޗެއްގެ ހާލަތު އިންގޮތް ވަޒަން ކޮށްލުމުގެ ފުރުސަތު ފަހަރެއްގަ މިއެކްސްޕޯގެ ތެރެއިން ލިބިގެން ހިގައިދާނެ. އަދި އޭގެ ތެރެއިން އަޅުގަނޑުމެން އަމިއްލަ ޕާސަނަލް ޑިވައިސްތައް

ޕެނެޓްރޭޓް ކޮށްލުމުގެ ފުރުސަތުވެސް ފަހަރެއްގަ ލިބިގެން ހިނގައިދާނެ. އެހެންވީމަ މި އެކްސްޕީރިއަންސް ކޮށްލުމަކީ ކޮންމެ ދިވެއްސަކަށްވެސް ލިބޭ ފުރުސަތެއްކަމަށް  އަޅުގަނޑު ގަބޫލުކުރަން.

އަޅުގަނޑު އެދެނީ ތިޔަ އެންމެ ބޭފުޅުން އާއްމުރައްޔިތުންވެސް މިއެކްސްޕޯއަށް ވަޑައިގެން ޒިޔާރަތް ކުރައްވާ މިތަނުގައިހުރި ޓެކްނޮލަޖިކަލް އެކްސްޕަޓީސް އާއި އަދި ޓެކްނިކަލް އެކްސްޕާޓުންނާ ވާހަކަ ދައްކާ މިކަން ކަމުގެ މައުލޫމާތު ލިބިގަނެ މިއެކްސްޕޯގެ އެންމެ ބޮޑު ފައިދާއެއް ލިބިގެން އެކްސްޕޯ ނިމުމުގެ ކުރިން ވަޑައިގަތުން.

އެކިއެކި މުއައްސަސާތަކާ ކުންފުނިތަކުން އަޅުގަނޑު އެދޭ އެދުމަކީ މިއެކްސްޕޯ އަށް ތިބޭފުޅުން އިންވެސްޓް ކުރާށޭ. މިއެކްސްޕޯގެ ސްޕޮންސަރޝިޕް އެޕޯޗުނިޓީސްތަކާ  އަދި ތިބޭފުޅުންގެ ޓެކްނޮލަޖީ ޑިސްޕްލޭ ކުރުމުގެ އެޕޯޗުނިޓީސްތައް ބެނުން ކުރައްވާށޭ. ކުރައްވައިގެން މިފަދަ ޕްރޮފެޝަނަލް އެކްސްޕާޓުން އެއްވާ ތަނެއްގަ ނެގޭނެ އެންމެ ބޮޑު ފައިދާއެއް މީގެ ތެރެއިން ވިޔަފާރި ކުންފުނިތަކުންވެސް ނަންގަވާށޭ. މިފަދަކަމެއް އޮގަނައިސްކޮށް މިވަރަށް ފުރިހަމައަށް އަޅުގަނޑުމެންނާ ހިސާބަށް ގެނެސް  ދިނުމަކީ ފަސޭހަ ކަމެއްނޫން.

އެހެންކަމުން މިކަމުގަ އިންވޯލްވި އެންމެ ފުރަތަމަ އައިޑިއާގެ އިންސްޓްރަކްޝަން އިން ފެށިގެން މިހާހިސާބަށް އިންވޯލްވެ ވަޑައިގަންނަވާ އެންމެހާ އެކްސްޕާޓުންނަށް ޕްރޮފެޝަނުންނަށް ޚާއްސަކޮށް މޯލްޑިވްސް ޕޮލިސް ސަރވިސްގެ މިކަން ލީޑް ކުރައްވާ ޓީމަށް އަޅުގަނޑު ވަރަށް އިޚްލާސްތެރިކަމާއެކު ޝުކުރު އަދާކުރަން. ނޭޝަނަލް ސަރވިސް ސެކިއުރިޓީ އެޖެންސީއާ އަދި ނޭޝަނަލް ސެންޓަރ ފޮރ އިންފޮމޭޝަން ޓެކްނޮލަޖީގެ ފުރިހަމަ އެއްބާރުލުން މިއެކްސަސައިޒަށް ލިބިގެންދާނެ. އަދި ހޯމްޓީމުގެ ތެރޭގައި ހިމެނޭ އެހެނިހެން އެންފޯސްމަންޓް އެޖެންސީތަކާ އަދި އިދާރާތަކުގެވެސް ފުރިހަމަ އެއްބާރުލުން މިއެކްޕޯއަށް ލިބިގެން ދާނެކަން ތިއެންމެ ބޭފުޅުންގެ މަޢުލޫމާތަށްޓަކައި ދަންނަވަން.

އަޅުގަނޑުގެ ދުޢާއަކީ އަޅުގަނޑުމެން މިކުރާ މިފަދަ އިނަވޭޓިވް މަސައްކަތުގަ މާތްﷲ ސުބުޙާނަހޫ ވަތަޢާލާ ބަރަކާތް ލެއްވުން. އަދި އަޅުގަނޑުމެން ދިވެހިރާއްޖޭގެ ސަލާމަތާ ރައްކާތެރިކަން ކަށަވރު ކުރުމަށްޓަކައި ކުރާ ހުރިހާ މަސައްކަތެއްގައި ﷲ ސުބުޙާނަހޫ ވަތަޢާލާ ކާމިޔާބު ދެއްވުން.

ކުރިއަށް ދިވެހިގައުމު  

والسلام عليكم ورحمة الله وبركاته.