މި ޔުނިޓުގެ މައިގަނޑު މަސައްކަތަކީ ސެންޓަރުގެ ބެލުމުގެ ދަށުގައިވާ ފަރާތްތަކުގެ ސިއްޙީ ޙާލަތު ދެނެގަނެ ތަހުލީލު ކުރަންޖެހޭ ފަރާތްތަކުގެ އެންމެހާ ތަހުލީލުތައް ކުރުމަށް ކަމާބެހޭފަރާތްތަކަށް އެންގުމާއި އެ ތަހުލީލުތަކުގެ ނަތީޖާތައް ބަލާ، ފަރުވާ ދޭންޖެހޭ ފަރާތްތަކަށް ފަރުވާދިނުމުގެ މަސައްކަތްތަށް ކުރުމެވެ. މި ޔުނިޓުގެ މަސައްކަތްތަކުގެ ތަފުސީލު ތިރީގައި އެވަނީއެވެ.

1.      ސެންޓަރުގައި ބައިތިއްބާ ފަރާތްތަކުގެ ސިއްޙީ ޙާލަތު ދެނެގަތުމުގެ އެސެސްމަންޓުތައް ހެދުން.

2.      ސެންޓަރުގައި ފަރުވާދެވޭ ބަލިމީހުންގެ ޖިސްމާނީ އަދި ނަފްސާނީ ދުޅަހެޔޮކަން ދެނެގަނެ އެވަގުތައް ބޭނުންވާ ފަރުވާ ފޯރު ކޮށްދިނުން.

3.      ސެންޓަރުގައި ފަރުވާދެވޭ ބަލިމީހަކަށް ބޭނުންވާ ފަރުވާއެއް ސެންޓަރުގައި ޤާއިމުކުރެވިފައިވާ ވަޞީލަތްތައް ބޭނުންކޮށްގެން ފޯރު ކޮށް ނުދެވޭނަމަ ނުވަތަ ސްޕެޝަލިސްޓެއްގެ އެހީތެރިކަން ބޭނުންވާނަމަ، އެކަމުގެ ލަފާ ސެންޓަރުގެ އިސްވެރިޔާއަށް އެރުވުން.

4.      ބަލިހާލަތު ދެނެގަތުމަށް ބޭނުންވާ ތަހުލީލުތައް ކުރުމަށް އެންގުމާއި އެ ތަހުލީލުތަކުގެ ނަތީޖާ ބަލާ ފަރުވާ ކުރިއަށް ގެންދިއުން.

5.      ބަލިމީހާއަށް ފަރުވާ ކުރުމާއި ކައުންސެލިންގ ދިނުމާއި ބަލިތަކުން ރައްކާތެރިވުމަށް އިރުޝާދު ދިނުމާއި، ބަލިމީހާގެ ހާލަތު ގަވާއިދުން މޮނިޓަރކުރުން.

6.      ރިފަރކުރަންޖެހޭ ހާލަތްތަކުގައި ފަރުވާއަށް ބޭނުންވާ ޚާއްސަ ސެންޓަރުތަކާއި ހޮސްޕިޓަލްތަކަށް ބަލިމީހާ ރިފަރކުރުން.

7.      ހެލްތް ޕްރޮގްރާމްތައް ރާވައި ހިންގުން

8.      ސިއްހީގޮތުން ސެންޓަރުން ކުރަންޖެހޭ ކަންކަމުގެ އެސް.އޯ.ޕީ ތައް އެކުލަވާލުމުގައި އެހީތެރިވެދިނުން.