ނެޝަނަލް ލެވެލްގައި މުޅި ސައިބަރ ސްޕޭސް މެނޭޖުކުރަން ޖެހޭ ކަމަށް ދާޚިލީ ސަލާމަތާއި ފަންނިއްޔަތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ.
ސައިބަރ އެކްސްޕޯ 2024 ވެބްސައިޓް ލޯންޗުކޮށްދެއްވާ ވާހަކަ ދައްކަވަމުން ވަޒީރު ވިދާޅުވީ ރާއްޖޭގެ ސައިބަރ ސްޕޭސްގެ ހާލަތު މިހާރު އޮތްގޮތް ވަޒަންކުރަން ޖެހޭ ކަމަށެވެ.
އެގޮތުން، މި ސަރުކާރާ ހަވާލުވެގެން އައި އިރު ސަރުކާރުގެ އެކި އިދާރާތަކަށް ސައިބަރ ތްރެޓްސް އައި މިންވަރާއި އަމިއްލަ ވިޔަފާރިތަކަށް ދޭތެރެ ދޭތެރެއިން ތްރެޓްސް އަންނަވަރު މިހާރުވެސް ވަޒަން ކުރަންޖެހޭ ކަމަށް ވަޒީރު ވިދާޅުވިއެވެ.
"އަޅުގަނޑުމެންގެ އެންވަޔަރަމަންޓް ޙިމާޔަތްކުރުމަކީ ހަމައެކަނި ވަކި އިދާރާއެއްގެ ނުވަތަ ކުންފުންޏެއްގެ ޒިންމާއެއްގެ ތެރޭގައި ހިމެނޭކަމެއް ނޫން. އޭގެ އިތުރަށް އެއީ ޤައުމީ ފެންވަރުގައި މުޅި ސައިބަރ ސްޕޭސް މެނޭޖްކޮށް، ސައިބަރ ސްޕޭސް މެދުވެރިކޮށް އަންނަމުންދާ ނުރައްކަލަށް އަޅުގަނޑުމެންގެ ޑިފެންސް ޤާއިމުކޮށް އެކަމަށް ޤާބިލުވާންޖެހޭ. ވަޒީރު"
ވަޒީރު ވަނީ މިފަދަ އިޙްތިފާލެއް އިޙްތިފާލުވެގެން އަންނައިރުގައި، މިދާއިރާގައި މިރާއްޖޭގައި މިވަގުތު ޒިންމާވާ ހުރިހާ ފަރާތްތަކުން މިހަފްލާގައި ބައިވެރިވެ ވަޑައިގަންނަވާކަމީ މިހަފްލާއަށް ލިބޭ ވަރަށް ބޮޑު ޝަރަފެއްކަން ފާހަގަކުރައްވާފައެވެ.
ދިވެހިރާއްޖޭގެ ޒަޢާމަތާ ޑޮކްޓަރ މުޙައްމަދު މުޢިޒް ހަވާލުވެވަޑައިގަތުމާ ހިސާބުން ފެށިގެން، އެވަގުތު ރާއްޖޭގެ ސައިބަރ ސްޕޭސްގެ ހާލަތު އޮތްގޮތް ވަޒަންކުރެވި ރާއްޖޭގެ ގައުމީ ސަލާމަތާބެހޭ ކޮމިޓީން އެންމެ ފުރަތަމަ ނިންމެވި އެއްނިންމެވުމަކީ ދިވެހިރާއްޖޭގައި މިކަމަށް ޚާއްޞަކޮށް އިދާރާއެއް ގާއިމުކުރުން ކަމަށް ވަޒީރުގެ ވާހަކައިގައި ވިދާޅުވިއެވެ.
އަދި އެހިސާބުން ރައީސުލްޖުމްހޫރިއްޔާ ނޭޝަނަލް ސައިބަރ ސެކިއުރިޓީ އެޖެންސީ އުފެއްދެވީ ކަމަށާއި އެއިރުގަވެސް ދިވެހިރާއްޖޭގެ ސަލާމަތީ ޚިދުމަތްތަކުން ރާއްޖޭގެ ސައިބަރ ސްޕޭސް ސެކިއުއަރ ކުރުމަށްޓަކައި އެއިދާރާތަކުގެ ލަޔާގަތާ ގާބިލުކަން ހުރި މިންވަރުން އެމަސައްކަތް ދިޔައީ ކުރަމުން ކަމަށް ވަޒީރު ވިދާޅުވިއެވެ.